A67

P' 'a gente era 'o pazzo 'o mbriacone
chillo ca purtava 'o carnevale dinto 'o rione
chillo ca purtave nu poco 'e vita
mmiezo a chesta gente ca s'è scurdata 'e ridere
regalanno culuri all'uocchie 'e chi cammina
pe' 'sti strade senza fine, senza fine

Ammesco anima e culuri
pe' pitta' 'a cuscienza 'e 'stu munno

Ma era sulo dinto a chelli quatte mura
sulo c' 'e maschere e c' 'a pittura
sulo a s'incazzà annanze all'indifferenza
'e chi vo' cagnà e tene paura do ffa'
'e chi s'ammocca ancora 'e strunzate 'e chi ci guverna
'e chi se sta zitto pe' vivere quieto
'e chi guarda annanze e nun si gira arete
'e 'chi rommme e chi no' e ancora nun se sceta
E allora 'o vide 'e alluccà, 'o vide alluccà
ca n'atu munno ce sta e furzanno 'a mascatura de suonne
'o può pure tuccà scanzanne 'e fuosse 'e chi nun vo' 'uardà
pe' ghì arete 'o vico da verità addò l'anema piglia curaggio
e accumencia a respirà perdenne 'a voce appriesso a chi nun vo' sentì
e fa finta 'e nun capì, e fa finta 'e nun capì

Ammesco anima e culuri
pe' pitta' 'a cuscienza 'e 'stu munno
Pe' levà 'o niro 'a chesti mura
Pe' cagna chistu munno
Ammesco anima e culuri
Pe' da sciato a tutti 'e suonne