Ďakuju vam

1.
Dast ša mi Pan Boh dňa dožyti,
že ňeska budut ňa čepiti.
[:Začepľat mene za nevistočku
a ja zochabľu ňaňka, mamočku.:]

2.
Bo ja už vera ne ditina,
do dneska byla jem mamina.
[:Od dneska budu muža svojoho,
ta zaňim pidu do domu joho.:]

3.
Mamko, ňaňičku, vam ďaku dam,
zo svojej ľubvi rozamivam.
[:Ja svoju ľubov chcu rozdiľiti,
meži vas, muža i svoji diti.:]

4.
Za vašu ručky mozoľnaty,
za vašy noči nedospaty.
[:Za toto šytko ja vam ďakuju,
od Boha zdravia vam vyprošuju.:]

5.
Ťažko mi, mamko, od vas ity,
hnizdečko naše opustity.
[:Aľe ja, mamko, zostavam s vami,
ked ne pri stoľi, choľem z dumkami.:]