Kropit došť

1.
Kropit došť, kropit došť, po bľachi bubnuje,
[:do našoho dvora Jančo zakukuje.:]

2.
Do dvora len kukat, vročiti ša bojit,
[:bo mamočka moja na neho ša strojit.:]

3.
Nestrojte ša naňho, mamko moja ľuba,
[:bo v seli každyj znat žem od Janča hruba.:]

4.
Bo my vjedno spali v stodoli na šini,
[:jak ste ho do chyžy pustiti nechtiľi.:]

5.
Teraz ša čudujte, što ša zomnom robit,
[:že storaz ša ťažše vaša divka chodit.:]

6.
Už mi brjušok rosne, pehy tvar pokryli,
[:šak mamočko moja i vy taka byli.:]

7.
Možete ňa, mamko, možete ňa biti,
[:ja už neprestanu Jaňička ľubiti.:]

8.
Bo vin bude ňaňko diťatka mojoho,
[:a ja ho ľubuju zo serdca štiroho.:]