Medium 4 - Chudobo chudobo
Ľudové piesne a koledy
Ledova vodička dolu jarkom teče
jak to chudobnomu ša tot život vleče
oj vleče ša vleče i mojej mamočky
bo holod i bida u našej chyžočki.
Nelehko to Bože v tej chudobi žiti
suchyj chlibok isti čistu vodu piti
veľo raz nit na chlib grajcary nebyli
holodny i bosy doma sme chodili.
Ňaňkovy ručenky tverdy od sokyry
v liši šahovinu pres deň hotovili
bosy potim kosu na luki ťahali
by my diti joho chlib častiše mali.
I mamočka naša tak chlib vyrabľali
že bohačom v seli lašyska rajbali
palci skyrvaveny z morozu praskali
jak na jarku v zimi lachy polokali.
Chudobo chudobo ked by ťa nebylo
ne jednej rodini lipše by ša žilo
keby dostal chliba každyj do sytosti
bylo by na šviti veci veselosti.