Medium - zaprihajte chlopci koni

Zaprihajte chlopci koni bo treba orati
Treba ša nam vera gazdom do poľa vybrati
Šnih už zyšol zemľa vyschla ptašky ša vertajut
Nad poľom de chlib ša zrodil prekrasno špivajut

Zašpivaj mi vtašku malyj šumnu špivanočku
Ja vyzeral spoza verška svoju frajiročku
Jak my pride i z frištikom frajirka Anička
Ta ona mi popohaňat sivaka konička

Neprinese tobi frištik vera tvoja Haňka
Bo ju z domu nepustila jej preľuba mamka
Tak ju biva a i kľava v krovi bičovava
i z obrusa zhotovenyj frištyk vysypala

Teraz šidit ubolena u temnej komori
a jej mamka a i ňaňko čekajut na dvori
kapura pozamykana z dritom zdritovana
by ša prez ňu nedostala Haňka ľubovana

Pan Boh musil potrestati človeka takoho
Što ditini zrobit ranu do serdca samoho
Ked ditini v ľubi branit sama ľuba mama
Naj za svoji veľky hrichy v pekli zhorit sama.