medium3 - Horit ohnik v pecu
Ľudové piesne a koledy
Horit ohnik v pecu kurit ša s komina
tu v tej chyži byvat bohata divčina
Bohata divčina pyšnoho serdečka
ona mala byti moja frajirečka
Ty pyšna divočko serdečko mi pukat
do vašoho dvora druhyj chlopec kukat
Včera mi na seli sušida hvarila
že ho pres oblačok pri tobi vidila
Varila žena mast pres oblak kukala
jak jes mu za kalap pirečko davala
Potim jes v komori lampu zahasila
a ša pid perinom ku ňemu tulila
Hoc mi oči plačuť a serdce mi stiska
nebudu tancoval jak mi dakto piskat
Radili mi vžati bohatu divočku
a ja račej vozmu chudobnu služočku
Bohata by mene len za nis vodiva
a chodobna služočka bude ňa lubila
Ľubila ňa bude a i ja ju budu
a gazdivstvo sobi pri nej nadobudnu.