Paradna jes, Haňo

1.
Paradna jes, Haňo, paradňi ša neseš,
chudobnoho chlopca za frajira nechceš.
[:Aľe za bohatym ľen ša pokukuješ,
či ma veľo statku ša ho vyprošuješ.:]

2.
Či ma veľo statku, či ma veľo poľa,
ľen o to ša staraš, ľuba dušo moja.
[:Chudoba ti smerďit, aľe i robota
a bohactvo neje ľen sama dobrota.:]

3.
Bo gazdivstvo nechce ľiňivu gazdyňu,
što ma tri zahradky a ľen jednu dyňu.
[:Vera na gazdivstvi je treba robiti,
ňe vyparadžena po seľi choditi.:]

4.
Ľipše by ťi bylo ša nevydavati,
nijakomu chlopcu žyvot nezbabrati.
[:Bo to na tym šviťi je škoda každoho,
či už chudobnoho, abo bohatoho.:]