Pid zelenom horom maleňka chyžočka

1.
Pid zelenom horom, maleňka chyžočka,
a v nej sama žije, stareňka žinočka,
sama ona sama, nit pri nej nikoho,
bo jej dity pišli do švita široho.

2.
Každe Bože rano, molitvom začinat,
ku Bohu, ša modlit, na dity spominat,
ťažko vychovala, dity svoji štyri,
a už treťa zima, jak pri nej nebyli.

3.
Choroba, i starist, žačli ju trapity,
na stary kolina, nit jej chto obyjty,
[:v pecu jej nehorit, chyžočka cholodna,
furt vecij jak syta, ona je holodna.:]

4.
Pomož jej božičku, jari ša dožity,
zelenu, travičku, išti uvidity,
by išti vidila, perši lastivočky,
jak bude šidila, vonka na lavočky.

5.
Nechoče prijaty, pomič od nikoho,
lem vše vyčekuje, synačka svojoho,
[:synačka svojoho, i svoju divočku,
že pridut kuknuty na svoju mamočku.:]