Za vodou, za vodou, lavočka toneňka

1. Za vodou, za vodou, lavočka toneňka,

tam za mnou chodyla mamočka ridneňka.

Na pole, do školy, kročky mňa učila,

daj Bože zdorovja tyj, što mňa povila.



2. Stareňka chyžočka na bik sja nahynať,

pred ňou na lavočky maty dity čekať.

Pišli si do svita život svij hledaty,

zostalo materi deň što deň čekaty.



3. Neplačte mamočko, neroňte si dušu,

v serci sme zostali, tam ja vas furt nošu.

Pišli sme do svita život svij hledaty,

zostalo materi deň što deň čekaty.