A mala ja premiloho frajira

A mala ja premiloho frajira,
Ale mi ho kamaratka odbyla
Naj tej mojej kamaratki boh platyt
Že ňja taku zarmučenu zochabyl

A bože mij, keby ona to znala
Že ja jomu cilyj vinočok dala
Bo ja joho presolodko ľubyla
A na večur do komorky pustyla

Ach Janičku, serce moje štos zrobyl
Keď ty mene už ne samu zochabyl
Už neveľo bystrej vody poteče
Keď v kolysky tvoje ďiťa zaplače

Vychovam ho z veľkoj lásky ku tobi
Keď vyrosne, ta mu všytko rozpovim
Jak tebe v molodosti ľubyla
Ale mi ťa kamaratka odbyla