Medium3 - Kropit došť, Paradna jes Haňo
Ľudové piesne a koledy
Kropit došť kropit došť po bľachi bubnuje
do našoho dvora Jančo zakukuje
Do dvora len kukat vročiti ša bojit
bo mamočka moja na neho ša strojit
Nestrojte ša naňho mamko moja ľuba
bo v seli každyj znat žem od Janča hruba
Bo my vjedno spali v stodoli na šini
jak ste ho do chyžy pustiti nechtili
Teraz ša čudujte što ša zomnom robit
že storaz ša ťažše vaša divka chodit
Už mi brjušok rone pehy tvar pokryli
šak mamočko moja i vy taka byli
Možete ňa mamko možete ňa biti
ja už neprestanu Janička ľubiti
Bo vin bude ňaňko diťatka mojoho
a ja ho ľubuju zo serdca štiroho
.....A hori ju......................
Paradna jes Haňo paradni ša neseš
chudobnoho chlopca za frajira nechceš
ale za bohatym len ša pokukuješ
či ma veľo statku ša ho vyprošuješ
Či ma veľo statku či ma veľo poľa
len o to ša staraš ľuba dušo moja
chudoba ti smerdit ale i robota
a bohactvo neje len sama dobrota
Bo gazdivstvo nechce linivu gazdyňu
što ma tri zahradky a len jednu dyňu
vera na gazdivstvi je treba robiti
ne vyparadžena po seli choditi
Lipše by ti bylo ša nevydavati
nijakomu chlopcu žyvot nezbabrati
bo to na tym šviti je škoda každoho
či už chudobnoho abo bohatoho.