Asad Khan

Baarish ki boondon se
Kaash dhulte mere gunaah
Bheeg jaata me sir se paa
Baarish ki boondon se

Baadalon ke saaye me
Kaash jalta na mera badan
Orh leta ridaa ki tarhaa
Baadalon ko me apne gird

Dhoondte ho kise tanhaaion me
Rokte ho kise parchaaiyon me
Doobte ho kyoun taareekion me
Ho ulajhte kyoun baareekion me

Suraj ki kirnon se
Kaash roshan hon raahein meri
Bujhte diya ko hai ab tau aas
Subha aik aur dekhne kee

Dhoondte ho kise tanhaaion me
Rokte ho kise parchaaiyon me
Doobte ho kyoun taareekion me
Ho ulajhte kyoun baareekion me

Maangte ho jise ab tum khuda se
Rehta hai woh kaafir her aaine me